නෙතු ගාව දඟකරන කඳුළු කැටවල සීතල අනේ නුඹටත් දැනෙනවානම්

Sunday, March 31, 2013

බලාපොරොත්තුව

චිරි චිරි සද්දෙන් කැරකෙන 
විදුලි පංකාව 
නැහැය විනිවිදයන 
බෙහෙත් ගඳ අස්සේ 
බිංදුවෙන් බිංදුව වැක්කෙරෙන 
සේලයින් බෝතලෙන්
වැටෙනවානම් එකම එක බිඳුවක්
බලාපොරොත්තුවක් දිය කරලා

ඉහ ඉද්දර හැමෝම එකතුවෙලා
හිත හැදෙන කතා දහසක් කියද්දී 
නුඹ නැති අඩුව නෙත් සොයනවා
දොරටුව ළඟ 

අත වනන  මරණය 
පණ ගැහෙන හදවතට
සමුගන්න බෑ දැන්ම 
එනවැති ඔහු  ළඟ ළඟම  

ඉසිඹුවක් අරගන්න අර අදින ජීවිතය
නවතින්න කලියෙන්
එකම එක පාරක් ඇවිත් යනවද
හිනා මලක් අරන් 
මට තියෙනවා කියන්න එකම එක දෙයක්



Sunday, March 24, 2013

පෙම් හසුන


සිව් වසරකට පෙර 
අකුරු ඇමිණූ
පොත් පිටු අතර
නුඹේ මුතු කැට අකුරින්
වදන් කල ආදරය
දැනෙනවා අදටත්
අකුරු අතරින් එන
නුඹේ සුවඳින්

නුඹට අමතක සෙනේහයේ
ලියූ කවි පද සියක් දහසක්
නුබේ වදනින් ඇසෙනවා මට
සිහිනයෙන් මෙන් කොඳුල හඩකින්

අතීතයේ එක ලස්සන දවසක
ආදරෙයි මන් කියූ දෙනෙත් නුඹ
සරසවිය බිම නෙත ගැටුනු අද දින
වෙනත බැලුවේ ඇයිද හිමියනි

මටද අකුරු කල
නුඹේ මහ මෙරක් ආදරේ
ඇයටත් පෙම් පතක 
ලියවෙන වග දැන දැනම
විඳිනවා මම 
මතක සුවද නුඹේ
ආදරය නම්  වෙන්වීමමැයි සිතා